Павлодар облысында 30 адам тәтті тоқашқа уланып қалды

АСТАНА. Шілденің  11-і. ҚазАқпарат  -  Павлодар  облысында  Екібастұз     қалалық   инфекциялық  ауруханасына  шілденің   8-інен  бері  «инфекциялық гастроэнтероколит»  диагнозымен 30 адам  түсті, 

деп хабарлайды  ҚазАқпарат  Төтенше жағдайлар  министрлігінің баспасөз қызметіне  сілтеме  жасап.

Бірінші күні  ауруханаға  6 адам түссе,  екінші   күні (шілденің 9-ында) -7,  келесі күні    тағы 17  адам түскен.   Төтенше жағдайлар  министрлігінің ақпараты  бойынша,   олар  кондитерлік тамақтан  уланған.

Мемлекеттік санитарлық-эпидемологиялық қадағалау   басқармасы     санитарлық-микробиологиялық   зерттеу  жүргізіп    жатыр.    Істің мән-жайы   Екібастұз қаласының СЭС  басқармасы  мен     төтенше жағдайлар жөніндегі басқармасының  қарауында.