Павлодар облысында бір жылдың ішінде жайылым тапшылығы екі есе азайған
«Ауыл шаруашылығы қарқынды дамып келеді. Егіс алқабы 1,6 миллион гектарға дейін өсті. Бұл өткен маусымға қарағанда 50 мың гектарға артты.
Суармалы жердің көлемі биыл 9 мың гектарға ұлғаяды. Айналымға 137 мың гектардан астам пайдаланылмайтын ауыл шаруашылық жері қайтарылды. Былтырғымен салыстырғанда, ауылдардағы жайылым тапшылығын екі есе қысқарттық», - деді Асайын Байханов орталық коммуникациялар қызметінде өткен брифингіде.
Сондай-ақ, ол облыста «Ауыл Аманаты» жобасы аясында жеңілдікпен несие беру басталғанын мәлім етті.
«Жаңа жұмыс орнын құратын 300-ден астам жоба қарастырылды. 161 жоба иелері кредиттерін алып, кәсіптеріне кірісті. «Ауыл – ел бесігі» жобасы бойынша 35 мың тұрғыны бар 26 ауылдың инфрақұрылымын жаңартуына кірістік. Ауыл ішіндегі 89 шақырым жолды асфальттау, 60-тан астам көшені жарықтандыру, 22 әлеуметтік нысанды салып, жөндеу көзделген», - деді әкім.