11:33, 07 Мамыр 2012 | GMT +5
Павлодар облысының 10 кәсіпорны «Өнімділік-2020» бағдарламасына қатысады
ПАВЛОДАР. 7 мамыр. ҚазАқпарат - Павлодар облысының үш жобасы - «Формат Маш Компани» ЖШС, «Нефтехим LTD» және «Ромат» ФК «Өнімділік-2020» бағдарламасының ілкі жобалар тізіміне кірді,

деп хабарлады кәсіпкерлік және өнеркәсіп басқармасынан.
Өңірде кәсіпорындарды аталмыш бағдарламаға тарту жұмыстары жалғасуда. Бұл өз алдына «Бизнестің жол картасы-2020» бағдарламасымен бірге Үдемелі индустриялық-инновациялық бағдарламаларды іске асыруда тиімді құрал болмақ. Еңбек өнімділігінің есебінен экономиканың әлеуетті секторында өнеркәсіптік кәсіпорындардың бәсекеге қабілеттілігі артады.
«Павлодар машина құрастыру зауыты» АҚ-ның кешенді жобасы ведомствоаралық комиссияның қаралымына жіберілді. «Каустик» АҚ өзінің жобасын іске асыруды жалғастыруда.
Биыл облыстың 10 кәсіпорны «Өнімділік-2020» бағдарламасын іске асыруды бастамақ.