Павлодар тұрғынынан 19 литр сұйықтығы бар киста кесіп алынды
ПАВЛОДАР. KAZINFORM - Ота 2,5 сағатқа созылған. Қазір әйел өзін жақсы сезінеді. Ғ.Сұлтанов атындағы Павлодар облыстық ауруханасында гинеколог дәрігерлер ішінде 19 литр сұйықтық жиналған кистаны сәтті алып тастады.
— 55 жастағы пациент іш қуысы мен жамбастағы көлемді ісікке байланысты жоспарлы ота жасау үшін ауруханаға жіберілген. Ота 2,5 сағатқа созылып, оның барысында 19 литр сұйықтық алынды. Отадан кейінгі кезең асқынусыз өтуде, пациенттің жағдайы қалыпты. Ол ауруханада тағы бір апта болады деп күтіліп отыр. Бақылау, талдаулардан кейін дәрігерлер оны шығару туралы шешім қабылдай алады, - деп хабарлады өңірлік денсаулық сақтау басқармасынан.
Аурухананың медициналық ұжымы бұл ота мекемедегі жоғары білікті мамандар мен қолданыстағы заманауи жабдықтардың арқасында мүмкін болғанын атап көрсетті.
Еске сала кетейік, СҚО-да алғаш рет эпилепсиямен ауыратын науқасқа ота жасалды.
