Павлодарда 99 отбасы қоныс тойын тойлады

АВЛОДАР. Шілденің 4-і. ҚазАқпарат /Вера Ливинцова/ - Павлодардың жаңа Усоль шағын ауданында 99 отбасы қоныс тойын тойлады,

деп хабарлайды ҚазАқпарат тілшісі.

 Павлодар облысының әкімі Бақытжан Сағынтаев  жалпы алаңы 5,9 мың шаршы метр болатын 9 қабатты үйдегі жайлы пәтерлердің кілттерін жаңа қоныстанушыларға тапсырды.

Аймақ басшысы пәтер иелерін құттықтай отырып, тұрғын үйлер жалпықазақстандық мереке - Астана күні қарсаңында тапсырылып отырғанын атады. Дағдарысқа қарамастан мемлекет, Президент Нұрсұлтан Назарбаев уәде еткеніндей, әлеуметтік міндеттемелерді орындап келеді.