Павлодарда демалыс күндері 36 адам мас күйде көлік жүргізген
ПАВЛОДАР. ҚазАқпарат - Павлодарда полицейлер демалыс және мереке күндері 37 қылмыстың бетін ашты, деп хабарлайды ҚазАқпарат pavlodarnews.kz сілтеме жасап.
Облыстық Полиция департаментінің баспасөз қызметі мәліметінше, 21-25 наурыз аралығында облыс аумағында 37 қылмыс ашылған.
«Жол жүру ережесін бұзғаны үшін 1 246 адам әкімшілік жауапкершілікке тартылды. 36 адам көлікті мас күйде жүргізгені үшін ҚР ҚК-нің 346-бабы бойынша автокөліктерді басқару құқығынан айырылды», - делінген хабарламада.
Айта кетейік, 21-25 наурыз аралығында барлығы 2351 әкімшілік құқық бұзушылық анықталды.
