Павлодарда екі көшенің тұрғындары, балабақша мен пошта ғимараты ауыз сусыз қалды

АСТАНА. 8 желтоқсан. ҚазАқпарат - Павлодар қаласында жерасты су құбырының зақымдануы салдарынан Бейбітшілік және Торайғыров көшелеріндегі 932 абонент,

сондай-ақ №18 балабақша мен пошта ғимараты ауыз сусыз қалды.

Бұл туралы ҚР ТЖМ-нан мәлім етті. Қазіргі уақытта ауыз су 3 су тасығыш машинамен жеткізілуде. 11 сағаттан кейін су екінші құбырмен беріле бастады. Жөндеу жұмыстары бүгін жалғастырылады. Төтенше жағдайды жоюмен «Павлодар-Су арнасы» АҚ-ның 7 адамы мен 2 техникасынан құралған апатты қызметі айналысуда.