Павлодарда ірі көлемдегі есірткі тәркіленді
ПАВЛОДАР. ҚазАқпарат - Павлодар қаласында жалпы құны 100 млн теңге тұратын, салмағы бір келіден асатын есірткі сатпақ болған азамат қолға түсті, деп хабарлайды ҚазАқпарат Pavlodarnews.kz сайтына сілтеме жасап.
- Сағат 09.35-те Павлодар қаласында есірткі қылмысына қарсы іс-қимыл басқармасының жедел қызметкерлері ауқымды операция жүргізді. Нәтижесінде Павлодар қаласында орналасқан жасырын орныннан алынған 1 келіден астам синтетикалық есірткі заттарын өткізу әрекеті кезінде есірткі курьері ұсталды,- деді Павлодар облысы полиция департаментінің бастығы Нұрлан Мәсімов.
Аталған фактіге қатысты ҚР ҚК 297-бабының 3-бөлігі бойынша сотқа дейінгі тергеу басталды. Күдікті Павлодар қаласының уақытша ұстау изоляторына қамалды.
