Павлодарда өгей әкесі баланы үстелді жинамағаны үшін ұрған

ПАВЛОДАР. KAZINFORM – Павлодар облысының полиция департаменті 5-сынып оқушысының соққыға жығылу фактісі бойынша тергеу жүргізіп жатыр. Бұл туралы Павлодар облысы Полиция департаментi хабарлады.

Өгей әкесі күдікке ілініп отыр. Кәмелетке толмаған балаға қол жұмсау дерегі бойынша қылмыстық іс қозғалған.

Оқиғаның мән-жайы мен себептері тергеу барысында анықталатын болады.

— 4 наурызда өгей әкесі кәмелетке толмаған өгей баласын үстелді жинамағаны үшін ұрғаны анықталды, — делінген Павлодар облысы Полиция департаментi хабарламасында. 

Бастапқыда заңды өкіл өтініштен бас тартты.

Сондай-ақ, өтініштен бас тартқан ананың тәртібі кәмелетке толмағандардың істері және олардың құқықтарын қорғау жөніндегі комиссияда қаралатын болады.

Айта кетелік Павлодарда ішімдікке тойып алған мектеп күзетшісі оқушыны ұрғаны туралы жазған едік.