Павлодардағы ірі өрт төрт сағаттан соң ауыздықталды

АСТАНА. ҚазАқпарат - Павлодардағы полипропилен өнімдерін шығаратын цехта болған ірі өрт 23:08-де өшірілді,деп хабарлады ҚР ІІМ Төтенше жағдайлар комитетінің ресми өкілі Руслан Иманқұлов.

Тілсіз жаумен арпалыс төрт сағатқа созылды, деп атап өтті ол.

Бұдан бұрын хабарлағанымыздай, 600 метр қашықтықтан гидранттар арқылы су тоқтаусыз берілді. Өйткені аса қызу температураның салдарынан өрт сөндіретін машиналарды 25-30 метдей жердегі гидранттарға қосу мүмкін болмаған.

«Аса күшті жалынның пенопропилен өнімдерін шығаратын цехқа көшу қаупі туындады. Сондықтан 20 сағат 07 минутта көбікті оқпандарды пайдалануға шешім қабылданды»,- деп атап өтті ол.

Оның сөзіне қарағанда, бұл әрекет жалын шарпыған аумақтың кеңейіп, көрші нысандарға таралуына мүмкіндік бермеген. 20.35-те өрттің беті қайтты", - деп атап өтті Руслан Иманқұлов.

Абырой болғанда, 20:35-те өрттің алды алынды.

«Нақтыланған деректерге қарағанда, жалын шарпыған аумақ шамамен 150 шаршы метрді құрайды. Зардап шеккен үш адам 1 қалалық ауруханаға жеткізілді. Өрттің себеп-салдары анықталатын болады. Өрттің 20:35-те беті қайтарылып, 23:08-де толықтай сөндірілді.

ТЖД «Өрт сөндіретін және апаттық-құтқару жұмыстары» МБ жеке құрамының 350 адамы мен 12 техникасы, «Өрт сөндіруші АҚ-ның 8 адамы мен 2 техникасы, Газдан құтқару қызметінің 3 адамы мен 1 техникасы, Медициналық апат орталығының 1 техникасы, «103» қызметінің жеке құрамының 12 адамы мен 4 техникасы, Павлодар облысы ТЖД шұғыл-құтқару отрядының 4 адамы мен 1 техникасы, Павлодар қ. ІІБ 8 адамы мен 4 техникасы өртті ауыздықтауға жұмылдырылды.