Павлодарлық 2 мың студент «Жасыл ел» жасағында еңбек етеді

ПАВЛОДАР. KAZINFORM - Ертіс-Баян өңірінде «Жасыл елдің» ХХ еңбек маусымы басталып кетті. Биыл экологиялық және құрылыс жасағында шамамен 2 мыңдай студент еңбек етеді деп жоспарланып отыр.

Бұл туралы «Жасыл ел» өңірлік штабының директоры Русана Сулаймонова хабарлады.

«Павлодар қаласында колледж студенттерінен 15 экологиялық жасақ құрылып, олар көгалдандыру жұмыстарымен айналысады. Олардың еңбекақысы – 60-70 мың теңге көлемінде. Ал университеттердің студенттері құрылыс жасақтарына барып, айына шамамен 100-110 мың теңге табыс табады», - деп атап өтті ол.

Қазірдің өзінде еңбек жасағына бір мыңдай студент жазылып үлгерген.

Еске сала кетейік, Павлодар жастары Қаныштың ізімен аттанды.