Павлодарлық бизнестің өкілдері кадрларды кәсіби даярлауға қатысады

ПАВЛОДАР. 11 наурыз. ҚазАқпарат - Павлодардағы ірі сауда ұйымдары, кәсіпорындар мен банктердің өкілдері Қазақ тұтынушылар одағы колледжінің студенттерін машықтану және өндірістік тәжірибеге алуға дайын,

деп хабарлады білім беру басқармасынан.

Бұл туралы олар колледжде ұйымдастырылған «дөңгелек үстел» отырысы барысында мәлімдеді. Бұл шара кәсіби білім беру, кадрларды даярлау және түлектерді жұмысқа орналастыруға арналды.

«Аманат», «Атриум», «Кленовый лист», «Ақоба» ЖШС, «Цесна Банк» және «Альянсбанкінің» павлодарлық филиалдарының қызметкерлері, өз өкілдерінің оқу жоспарлары мен бағдарламаларын, кәсіби талаптарды жасақтауға, түлектердің кәсіби даярлығының сапасын тәуелсіз бағалауға қатысатынын атап өтті.