Павлодарлық нұротандықтар мен прокуратура «Жол үстіндегі қабылдау» акциясын өткізді

ПАВЛОДАР. Маусымның 19-ы. ҚазАқпарат /Вера Ливинцова/ - Павлодарда алғаш рет «Нұр Отан» партиясының мүшелері мен көлік прокуратурасы «Павлодар-Пресногорьковский» бағытындағы пойыз вагондарында «Жол үстіндегі қабылдау» акциясын өткізді.

«Бізді құрамның техникалық жағдайы, төсек-орын жабдықтары, вагондардың санитарлық жағдайы мен жолсеріктердің жұмысы қызықтырды», - деп атап өтті павлодарлық көлік прокурорының аға көмекшісі Данияр Жақыпбеков.

Акцияға қатысушылар теміржолшылар жұмысынан кемістік тапты. Вагондардың бірінде санитарлық тораптың тазалығы сақталмаған, енді жолсеріктер әкімшілік жазаға тартылады.