09:01, 11 Қазан 2012 | GMT +5
Павлодарлық студент Таразда күрестен алтын медаль иеленді
ПАВЛОДАР. 11 қазан. ҚазАқпарат - Павлодар мемлекеттік педагогикалық институтының денешынықтыру және спорт факультетінде білім алып жүрген Саятбек Оқасов Таразда еркін күрес бойынша өткен жарыста алтын медальдің иегері атанды,

деп хабарлады ЖОО-ның баспасөз қызметінен.
Ірі мемлекет және қоғам қайраткері Дінмұхамед Қонаевтың 100 жылдығына арналған жарысқа Ресей, Грузия, Тәжікстан, Өзбекстан, Қырғызстан, Моңғолия, Шри-Ланка және Қазақстанның бүкіл аймақтарынан барлығы 130 палуан келді.
Мамандардың атап өтуінше, жарыс жоғары деңгейде өтті - әр белдесу табан тірескен күреспен өтті. Финалда Саятбек жергілікті палуан Алпамыс Сүпіғалиевті жықты.
Жеңімпаздарға Жамбыл облыстық күрес федерациясының ақшалай сыйлықтары табысталды - бірінші орын иегерлеріне бес мың доллар, күміс жүлдегерлерге - үш мыңнан және қола жүлдегерлерге бір мыңнан берілді