Павлодарлық студенттердің үгіт-насихат бригадасының алғашқы сапары шалғайдағы ауылдардан басталды

ПАВЛОДАР ОБЛЫСЫ. Шілденің 6-сы. ҚазАқпарат /Вера Ливинцова/ - «Жасыл ел» студенттік құрылыс отрядтарының  «Ертіс жұлдыздары» облыстық штабы үгіт-насихат бригадасының  алғашқы бағыттарының бірі Успен ауданындағы аудандық сауықтыру лагері болды,

деп хабарлайды ҚазАқпарат тілшісі.

  Көркемөнерпаз әртістердің бағдарламасы аймақта тұратын халық тілдеріндегі әндер мен  әзіл-сықақты, қазіргі заманғы эстрадалық билерді қамтып отыр.

Студенттер мектеп оқушыларына қалалар мен ауылдарды  абаттандыру, туған өлкені  жасыл желекке бөлеу, мектептер мен ауруханаларды жөндеу жұмыстарымен айналысып жатқан  әріптес-достары туралы айтып берді.

Үгіт-насихат бригадасы өткен төрт еңбек семестрінде 200-ге тарта концерт қойды. Міне енді биылғы жазда «Ертіс жұлдыздары»  тағы да жолға шықты.