Перуде 8 балдық жойқын жер сілкінісі болды
НҰР-СҰЛТАН. ҚазАқпарат - Перуде 8 балдық жер сілкінісінен 1 адам қаза тауып, 11 адам жарақат алған, деп хабарлайды ҚазАқпарат «Хабар 24» телеарнасына сілтеме жасап.
Зілзала ошағы Лагунас деп аталатын қалашықтан 80 шақырымдай жерде тіркелді.
Жергілікті билік дүмпуден көптеген үйлердің қирап қалғанын хабарлады. Сондай-ақ, жақын елді мекендерде жарық сөніп қалған.
Апат аймағында құтқару шаралары басталған.
