Петерборды ірі бұршақтар басып қалды

АСТАНА. ҚазАқпарат - Петербордың бірнеше аудандарында күн күркіреп, артынша ірі бұршақтар толассыз жауды. Куәгерлер әлеуметтік желілерден хабарлағандай, кей бұршақтар бөдене жұмыртқасымен бірдей болған.

Қала тұрғындары түсірген видеозжазбалардан Приморск ауданында бұршақ жаяу жүргіншілер мен автомобиль жолдарын қар сияқты жауып тастағанын көруге болады.

Күн жылы болғандықтан бұршақтар тез еріп, кейбір көшелер тасқын судың астында қалды.

Атап өту керек, ТЖМ ММ 19 шілде, жексенбі күні де осындай ауа райының болатындығын мәлім етті.