Петропавлда балалардың құқығын бұзатын Telegram арна жұмыс істеп тұр

ПЕТРОПАВЛ. KAZINFORM — Петропавлда балалардың фотосы көрсетіліп, аты-жөні және оларға қатысты түрлі жаман сөз айтылған телеграмм-канал әшкере болды.

Телеграмм-каналды кімнің құрғаны және қашан құрылғаны белгісіз. Оның 10 мыңнан астам оқырманы болған. Автор қала мектептерінің оқушылары жайында үздіксіз ақпарат салып келген. 

Бұл туралы Солтүстік Қазақстан облыстық білім басқармасы түсінік берді. 

— Кәмелетке толмаған балалар туралы ұятсыз ақпараты бар телеграмм-каналдың барлығы туралы әлеуметтік желілерге жүргізілген күнделікті мониторинг барысында анықталды. Облыстың барлық мектептері мен колледждерінде профилактикалық жұмыс күшейтілді. Петропавл қаласының білім бөлімі полиция департаментіне көмек сұрап ресми хат жолдады. Қазір СҚО полиция департаментімен бірлесіп оны жабу және осы телеграмм-каналды құрған адамдарды жауапкершілікке тарту туралы мәселе шешіліп жатыр. Ата-аналардан балаларына мұқият болуды және олардың кіретін сайттарын бақылауға ұстауды сұраймыз, — делінген баспасөз хабарламасында.

Бұған дейін Петропавлда жекеменшік балабақшалар жабылуы мүмкін екенін жазған едік.