Петропавлда газгольдердің жарылуынан жапа шеккен екі адам жансақтау бөлімінде жатыр

ПЕТРОПАВЛ. ҚазАқпарат - Петропавл шағын ауданында газгольдердің жарылуы салдарынан жапа шеккен екі адам әлі де жан сақтау бөлімінде жатыр, деп хабарлады «ҚазАқпарат» ХАА тілшісі.

«Жапа шеккен екі азаматтың халі ауыр, оларға қажетті көмектер көрсетілуде», - деді Петропавл 3-ші қалалық ауруханасының реаниматолог-дәрігері Светлана Левкина.

Тағы бір жапа шегуші бет-жақсүйек бөлімшесінде емделіп жатыр. Оның өміріне қауіп төніп тұрған жоқ.

Еске сала кетейік, 3 қазанда Борки кентінде жеке үйде газды толтыру барысында газгольдер жарылған.

Оның салдарынан газ компаниясының қызметкерлері 2-3 дәрежелі күйік жарақатын алды. Оқиғаның мән-жайын полицейлер мен құтқарушылар анықтап жатыр.