Петропавлда құбыр жарылып, көпқабатты үйлер, балабақша жылусыз қалды
ПЕТРОПАВЛ. KAZINFORM – Петропавлда жылу желісінде апат болып, жақын маңдағы көпқабатты үйлер жылудан ажыратылды.
Петропавлда жылу желісінің құбыры жарылып, ыстық су далаға ағып жатыр. Тұрғындардың айтуынша, жақын маңдағы жертөлелер де ыстық суға толған.
«Севказэнерго» АҚ баспасөз қызметінің мәліметінше, бүгін «Петропавл жылу желілері» ЖШС Н.Назарбаев 154 және Егемен Қазақстан, 118 мекенжайларының маңында 200 мм жылу құбырының жарылғандығын анықтады.
Қазіргі уақытта авариялық бригада – 6 маман және 4 арнайы техника оқиға орнында жұмыс істеп жатыр.
Жөндеу жұмыстары аяқталғанға дейін сол маңдағы тұрғын үйлер жылусыз отырмақ.
Жылу желісінен:
Жұмабаев көшесі, 116, 107, 109, 118,
Н.Назарбаев көшесі, 117, 136, 138, 154, 156, 156A, 158,132,134,130,
Егемен Қазақстан көшесі, 118 ,
Абай көшесі, 30, 34 , 40 , 31, 33, 35, 25 , 52, 52а, 25а, 33а,
Бостандық көшесі, 11, 13, 16 а,
Интернационал көшесі, 30 , 30 А ,32, 34
Пионер көшесі, 3,7,9,10, 20, 34,
Совет көшесі, 53, 54а,
Пушкин көшесі, 95 а мекенжайындағы үйлер ажыратылды.
Посмотреть эту публикацию в Instagram
Яғни 28 көпқабатты тұрғын үй, 6 жеке үй, бір балабақша және 7 кеңсе жылусыз қалды.
Мамандардың айтуынша, қалпына келтіру жұмыстары кешкі сағат 20.00-ге дейін жоспарланған.
