Петропавлда сорғы станциясын жөндеуге арналған қаражатты жымқырған басшы жазасын алды

АСТАНА. KAZINFORM — «Петропавл қаласының тұрғын үй қызметі» ЖШС директоры және бас инженері 8 млн теңгеден астам мемлекеттік ақшаны иемденген, деп хабарлайды Солтүстік Қазақстан облысы прокуратурасының баспасөз қызметі.

2025 жылғы 3 шілдеде Петропавл қалалық сотында мемлекеттік қаражатты ұрлау туралы шулы іс бойынша кезекті үкім шығарылды.

— Директоры «К» мен бас инженер «Т» қызметтік жағдайын пайдалана отырып, ірі мөлшерде бюджет қаражатын иемденгені үшін кінәлі деп танылып, «К» 3 жылға, «Т» 2 жылға бас бостандығынан айырылды. Мемлекеттік айыптау осындай жолмен сорғы станциясын, сондай-ақ тұрғын үйлерді сумен жабдықтау және жылыту жүйелерін жөндеуге бөлінген 8 млн теңгеден астам қаражатты иемденгенін дәлелдеді. Мұндай істердің салдары әрдайым залал санынан әлдеқайда ауыр. Біріншіден, бұл билікке деген сенімнің бұзылуы. Үкім 2025 жылдың 26 тамызында заңды күшіне енді, — делінген ведомство хабарламасында.

Облыс прокуратурасы «Заң мен Тәртіп» тұжырымдамасын іске асыру шеңберінде лауазымды және материалдық жауапты тұлғалардың бюджет қаражатын иемденуі немесе ысырап етуі Қазақстан Республикасының қолданыстағы заңнамасын өрескел бұзу болып табылатынын еске салады.  

Бұдан бұрын Петропавлда немерелері әжесінің өсиетін сот арқылы жарамсыз деп танығанын жаздық.