Петропавлда заңдастырылған мүліктің жалпы сомасы 854 млн. теңгені құрады

ПЕТРОПАВЛ. ҚазАқпарат - 2014 жылдың 1 қыркүйегінен бастап Солтүстік Қазақстан облысында мүлікті заңдастыру үшін жалпы сомасы 2 млрд. теңгеден асатын 449 өтініш келіп түскен, оның бір бөлігі - Петропавл қаласында.

«Бүгінде Петропавл қаласы бойынша заңдастырылған мүліктің жалпы сомасы 854 млн. 433 мың теңгені құрап отыр. Соның ішінде 39 тұрғын нысан және 68 тұрғын емес нысан бар», - деп ақпараттандырды Петропавл қалалық әкімдік аппаратындағы заң бөлімінің жылжымайтын мүлікті заңдастыру комиссиясының хатшысы Қанат Барқытов.