Петропавлда жауын салдарынан 37 жеке үйді су басты (ФОТО)

ПЕТРОПАВЛ. ҚазАқпарат - Петропавлда өткен демалыс күндері қатты жауын салдарынан 37 жеке үйді су басты. Негізінен, Жұмысшылар кенті, Бензострой, Подгора мен Копай аудандарының тұрғындары жапа шекті. Бұл туралы СҚО ТЖД баспасөз қызметі хабарлады.

«Күрделі метеорологиялық жағдайға байланысты 2015 жылы 18-19 шілдеде Петропавлда 37 жеке тұрғын үйді су басты. Алаңдаған азаматтар «112» қызметіне телефон соғып, көмек сұраған. ТЖД дағдарыс орталығының базасында жеделштаб құрылып, тәулік бойы кезекшілік ұйымдастырылды», - деді СҚО ТЖД төтенше жағдайларды жою бөлімінің бас маманы Болат Итжанов.

Адамдарды құтқару шарасына 40-тан астам құтқарушы мен 12 техника тартылды. Үйлерден 1 500 текше метрден астам жауын суы шығарылды, деп хабарлады ведомствода.