Петропавлда ЖЭО-2-нің жаңа турбогенераторы жылына қосымша 320 млн. кВт/сағат электр энергиясын өндіруге мүмкіндік береді
№8 қазандық агрегатын қайта жөндеу және № 4 турбогенераторын монтаждау жұмыстары жалғастырылуда, деп хабарлады «Солтүстікқазэнерго» АҚ-ның жұртшылықпен байланыс бөлімінен.
Бүгінде жаңа қазандықты жаңғырту бойынша жұмыстар 60 пайызға орындалды. Ол үшін қажетті жабдықтар ЖЭО-2-ге 80 пайыз көлемінде келіп түсті. Қазандық агрегатында қазандық қаңқаларының іргетастарын, қаңқаның өзін, буды ысыту құрылғыларының, 1-ші және 2-ші сатыдағы су экономайзерлерін, конденсаторлар мен кубтарды монтаждау бойынша жұмыстар толық көлемде орындалды.
Өткізіліп отырған жөндеу шараларының арқасында қазандық агрегатының қуаттылығы 220 т/сағаттан 270 т/сағатқа дейін көбейеді. Қазандықтың жаңартылуы бекітілген кесте бойынша жүргізіліп, 2013 жылдың 1 қазанында аяқталады. Жөндеу науқанының бағасы 5,9 млрд.-тан астам теңгені құрайды.