Петропавлдан Мысырға тікелей рейс қайта жанданды

ПЕТРОПАВЛ. KAZINFORM – Петропавл әуежайынан Мысырдың Шарм-эш-Шейх қаласына тікелей рейс қайта жанданды. 

Қазақстандық әуе компаниясының ұшағы енді әр он күн сайын екі елді байланыстырмақ. Бортта 213 орын бар, алғашқы сапарға 208 жолаушы аттанды. Ұшу уақыты шамамен 7 сағат.

— Шарм-эш-Шейх қаласына біздің әуежайдан бірер жыл бұрын ұшақтар қатынады. Кейін белгілі себептермен тоқтап қалды. Рейсті қайта жолға қою мәселесі ұзақ уақыт қаралды. Әуе компанияларымен талқыладық. Жанар-жағармай кешенін жаңғыртып, нәтижесінде алыс сапарға шығатын әуе кемелеріне қосымша жанармай құю мүмкіндігі туды.

Бұл чартерлік рейс болғанымен, тұрақты түрде ұшады. Сұраныс бар, — дейді «Қызыл-Жар халықаралық әуежайы» ЖШС директорының орынбасары Уәлихан Жылысбаев.

Қазір бұл бағытқа қызығушылық қайта артып отыр.

— Петропавлдан 2020 жылы да Мысырға демалуға ұшқан едім. Билет бағасы қолжетімді, әрі тура рейс, ұшаққа отыру үшін басқа қалаға барып қажет емес, үнемді, әрі ыңғайлы, — дейді жолаушылардың бірі.

Қазіргі уақытта Петропавл әуежайынан Астана, Алматы және Шымкент қалаларына рейстер бар.

Бұған дейін Алматы әуежайындағы оқиға бойынша іс қайта сотқа жолданғанын жазған едік.