Петропавлға Қазақстан, Ресей, Қырғызстан, Өзбекстаннан акробаттар келді (ФОТО)

ПЕТРОПАВЛ. ҚазАқпарат - Петропавлда спорт шебері, бапкер Анатолий Ямпольскийді еске алуға арналған акробатика бойынша 1-ші халықаралық жасөспірімдер турнирі басталды.

Біріншілік жүлдесіне Қазақстан, Ресей, Қырғызстан, Өзбекстаннан 120-дан астам спортшы таласады.

«Спорт шебері Анатолий Ямпольскийді еске алуға арналған халықаралық турнир алғаш рет өткізіліп отыр. Жарысқа Қазақстан, Ресей, Өзбекстан, Қырғызстаннан 120-дан астам жас акробат қатысуға тілек білдірді. Олардың арасында белгілі спортшылар да, жаңадан бастағандар да бар. Бұл жарыс республикалық, халықаралық жарыстарға шығу үшін дайындық десе болады. Біз осы сайыста Солтүстік Қазақстан облысының намысын алдағы турнирлерде қорғай алатын лайықты спортшыны анықтаймыз», - деді спорттық акробатика жөніндегі БЖСМ директоры Ринат Белогонов. Халықаралық жасөспірімдер турнирінің финалы 11 қаңтарда өтеді.