Philip Morris Қазақстан бюджетіне 1,2 трлн теңге салық төледі

АСТАНА. KAZINFORM — Президент Қасым-Жомарт Тоқаев Philip Morris International компаниясының ТМД және Орталық Азия өңірі бойынша президенті Марко Мариоттимен кездесті, деп хабарлайды Ақорданың баспасөз қызметі.

Мемлекет басшысы Philip Morris International компаниясының ТМД және Орталық Азия өңірі бойынша президенті Марко Мариоттимен инвестициялық ықпалдастық мәселесін талқылады.

Компания орнықты дамуға және инновациялар енгізуге үлес қосып келеді, сондай-ақ ірі салық төлеушілер санатына енеді.

Фото: Ақорда

1994 жылдан бастап 2023 жылға дейін Philip Morris компаниясы Қазақстанның мемлекеттік бюджетіне 1,2 триллион теңгеден аса салық түсімін аударды.

Бұдан бұрын Мемлекет басшысы Шетелдік инвесторлар кеңесінің 37-ші пленарлық отырысын өткізгенін жазған едік.