Питер Фостер Air Astana-ның ІРО-ға кешігіп шығуының 2 себебін атады
АСТАНА. KAZINFORM – Air Astana тобының президенті Питер Фостер компанияның ІРО-ға шығу мерзімінің неліктен бірнеше рет кейінге шегерілгендігін айтты.
«ІРО-ға шығу мерзімінің кейінге шегерілуінің бірнеше себебі бар. Біріншісі КОВИД вирусына қатысты орын алды. Жалпы, ол бүкіл әлемдегі авиацияға әсерін тигізді. Ол түсінікті де. Екіншісі – Ресейдің Украинаға шабуыл жасауы. Бұл біздің өңірдегі геосаяси жағдайға әсер етеді. Яғни, компанияның ІРО-ға шығу мерзімінің кейінгі шегерілуінің негізгі екі себебі осы», - деді Питер Фостер zoom арқылы өткен баспасөз мәслихатында БАҚ өкілдерінің сауалына орай.
Айта кетейік, Премьер-Министр Әлихан Смайыловтың төрағалығымен өткен Экономиканы жаңғырту мәселелері жөніндегі мемлекеттік комиссия отырысында Air Astana әуе компаниясын IPO-ға шығару мәселесі талқылаған еді.
