Полицей мен әйел арасындағы жанжал желіде қызу талқыланды

АҚТӨБЕ. ҚазАқпарат - Ақтөбе қаласының орталық базар маңында полиция қызметкері мен келіншектің арасында туындаған жанжал видеоға түсіріліп, әлеуметтік желіге жүктелген, деп хабарлайды ҚазАқпарат тілшісі.

Видеодан полиция қызметкері мінген көлікке жармасқан келіншек «жібер» деп айқайлап, машинаның есігіне ұстап, жібермей қояды. Осы кезде көлік ішінде отырған полиция қызметкері сыртқа шығады. Бұған да бой бермеген келіншек көліктің алдына отырып алады. Кейін тағы да есікке жармасты. Бұл көріністі көпшілік бейжай тамашалағанымен, араша түскендер де табылды.

«Полиция қызметкерлері өздерінің істері дұрыс емес болғасын машинада тығылып отыр»,- деп өз пікірін қалдырған Ниязова деген желі қолданушысы. Видеоны қарағандардың көбі әйелдің іс-әрекеті мен табандылығына назар аударды.