Полицейлер мен өрт сөндірушілердің Еуропалық чемпионатында дзюдодан өткізілген жарыстарда Талғат Қожабаев үздік атанды - Астаналық ЖПБ

АСТАНА. Шілденің 8-і. ҚазАқпарат /Мұрат Жәкеев/ - Астана қаласының жол полициясы инспекторы Талғат Қожабаев Андоррада полицейлер мен өрт сөндірушілердің Еуропалық чемпионатында дзюдодан өткізілген жарыстарда алтын алқа тағып келді. Бұл туралы елордалық Жол полициясы басқармасының баспасөз қызметі хабарлайды.

Сонымен қатар, құрамында астаналықтар Талғат Қожабаев пен Серік Нұрғалиев және алматылық Әбдусанат Шарапов бар қазақстандық топ қарсыластары Бразилия мен Литвадан кейін қанат тартудан қола жүлдені қанжығаларына байлап қайтты.

халықаралық жарыстардың қаһарманы - Т.Қожабаев бүгін Астанаға ұшып келіп, туған-туыстарымен қауышты, деп хабарлайды ЖПБ баспасөз қызметінен.