Полиция рейді: Павлодар облысында жалған нөмірмен 31 көлік анықталды

НҰР-СҰЛТАН. ҚазАқпарат – Ел бойынша барлық жолдарда полицейлер рейдтер жүргізіп жатыр. ҚР Ішкі істер министрлігі атқарылған жұмыстың аралық нәтижесімен бөлісті, деп хабарлайды ҚазАқпарат.

Павлодар облысында жалған нөмір таққан 31 жүргізуші анықталса, Жамбыл облысында 22 күнде 75 мас жүргізуші тоқтатылды.

Солтүстік Қазақстан облысында жүргізуші куәлігінен айырылса да, мас күйде рульге қайта отырған ауыл тұрғыны анықталды.

Ал Жетісу облысында Талдықорған драма театры алдында дрифт жасаған жүргізуші ұсталды.