Полиция Қайрат Нұртасқа іс қозғады

АСТАНА. KAZINFORM – Танымал әнші Қайрат Нұртас қоғамдық тәртіпті бұзғаны үшін ұсталды.

«Алматы-Астана» бағытындағы әуе рейсінде ұсақ бұзақылық және денсаулыққа қасақана жеңіл зиян келтіру фактісі бойынша әкімшілік іс қозғалды. Қазір материалдар қарау үшін сотқа жіберілді», - делінген Көліктегі полиция департаментінің хабарламасында.

Еске сала кетейік, өткен жылы Талдықорғанда әнші Қайрат Нұртас отырған көлік жол ережесін өрескел бұзғаны туралы жазған едік.

Сондай-ақ 1000 доллар авансты қайтармағаны үшін атыраулық кәсіпкер Қайрат Нұртасты сотқа берген.