Польша өз азаматтарын Израильден эвакуациялап жатыр
Польша өз азаматтарын Израильден эвакуациялауды бастады. Бүгін 120 адам мінген алғашқы ұшақ Варшава әуежайына қонды, деп хабарлайды Kazinform агенттігі.
«Израильден эвакуацияланған адамдардың алғашқы легі Польшаға келді. Мен біздің әскерилерімізге операцияны сәтті өткізгені үшін алғыс айтқым келеді», - деп жазды Польшаның Ұлттық қорғаныс министрі Мариуш Блащак өзінің Тwitter-дегі парақшасында.
BBC News-тің хабарлауынша, бүгін эвакуацияланған поляктар мінген тағы екі ұшақ Польшаға оралады.
