Пошта - еліміздің барлық тұр­ғыны үшін қолжетімді құрылым - Б.Қанешев, «Қазпошта» АҚ БҚО филиалының директоры

ОРАЛ. 9 қазан. ҚазАқпарат - Бүгін «Қазпошта» АҚ қызметкерлері өз мекемелерінің құрылғанына 20 жыл толғанын атап өтеді. Осыған орай «Қазпошта» АҚ-ның бүгінгі жеткен биігі мен оның БҚО филиалының тыныс-тіршілігі жөнінде филиал директоры Бауыржан Қанешев былайша әңгімелеп берді.

Оның айтуынша, "Қазпоштаның" облыстық филиа­лында 1013 адам жұ­мыс жасайды. Оның желісіне 12 ау­дандық пошта бай­ланыс торабы, 4 атыраптық бө­лімше, 16 қалалық пошта байланыс торабы, базасында «ГАЗель», «УАЗ» көліктерімен 4 жылжы­ма­лы пошта байланысы бөлім­шесі және 111 ауылдық пошта бөлімшелері, 36 пошта байланысы пункті кі­ре­ді.

Қазір «Қазпошта» пошталық, қаржылық және түр­лі кәсіптік емес, сонымен қа­тар ақпараттық қоғам­ның да­му жағдайындағы әмбе­бап ло­­гис­­ти­ка­лық оператор қыз­мет­терін көрсететін көп қызметті су­пер­­мар­кетке айналу үстінде. Ком­панияның директорлар кеңе­сін­де «Қазпошта» АҚ-ның 2020 жыл­ға дейінгі даму стратегиясы бе­кі­тіл­ді. Онда бұрынғыдай тек пош­таны дамыту тұжырымдамасы ғана емес, ұлттық пошталық опе­­­ра­тор инфрақұрылымын жаңғырту бағдарламасы қа­­­­рас­тырылды. Алға қойылған мін­­дет­терге сәйкес байланыс бө­лім­­ше­лерінің желілерін күрделі жай­лан­дыру жолымен техникалық жа­ғы­нан жаңғырту, банктік және ақ­па­рат­тық-коммуникациялық жаб­дық­тармен жарақтандыру қол­ға алынады.

Пошта - еліміздің барлық тұр­ғынына қолжетімді жалғыз әле­уетті желілік құрылым. Оның күшті дамыған филиалдық желісі бар және республикада оның баламасы әзірге жоқ. 2006 жылы құнды қағаздар нарығында трансфер-агенттік қызметке 001 нөмір­лі лицензия алған «Қазпошта» тұр­ғындарға еліміздің қор нары­ғына қатысуға жол ашты. 2006 жылы «Самұрық-Қазына» мемлекеттік холдингімен «Қазақтелеком» АҚ-ның жай акциялардың мемлекеттік пакетінің 4,6 пайызы «Қазпошта» трансфер-агенттік пункттері ар­қылы алғаш рет сатылды. 2009 жылы Қаржы министрлігінің бастамасымен мемлекеттік құнды қағаздарды сатуға қатысты. 2012 жылы «Қазпошта» АҚ-ның об­лыс­тық филиалы «Халықтық IPO» бағдарламасына қатысып, сол жылдың қыркүйек айында «ҚазТрансОйл» АҚ-ның акцияларын халыққа ұсынды. Мұның өзі облыс тұрғындары арасында кең қолдау тапты. Соңғы жыл­да­ры қазақстандық пошта авто­мат­­тандырылған жүйені енгізу жолы­мен Қазақстан аумағымен өте­тін ішкі және халықаралық жолданымдарды қадағалап отыратын «EMS Kazpost» секілді халықара­лық қызметті сапалы атқаруда. Мұ­ның өзі сертификаттау дең­ге­йінде көрініс тапты. 2006 жыл­дың қо­рытындысымен «EMS-Kazpost» қызметіне қола деңгейі берілді. 2010 жылдың нәтижесі бойынша батысқазақстандық филиал өз тобындағы филиалдар арасында І орын алса, 2011 жылдың қорытындысымен 2-орынға шық­­ты. Бүгінде қоғамда VISA кәр­тіш­ке­сі өнімдері (жалақылық, зей­нетақылық, GOLD, СLASSIK) даму үстінде. ЕДБ-тер қалалық жерлердегі нарықтан орын алса, пошта ауылды, қалалық жерлерді де қамтиды.

Облыстық филиал ұзақ жылдар бойы «Қазпошта» бойынша транзакциялар көлемі (банкоматтар, POS-терминалдар), кәртішкелерді тарату белсенділігі бойынша (кәр­тішкелерді ұстаушылар саны 11 мыңнан асты) көш бастап келеді. Филиалға қарайтын 11 банкомат және 66 POS-терминал Оралда, аудан орталықтарында және бұрынғы аудандардың ор­талықтарында жұ­мыс істеуде.

Поштаның қалып­тасу кезе­ңін­де облыстық филиал­ға Орал қа­ла­сындағы Қ.Аманжо­лов, 104/1 ме­кен­жайынан ғима­рат алын­ды. Сондай-ақ Сырым жә­не Тас­қала аудандарынан екі ау­дан­дық пошта бай­ланыс торабы, 19 ауылдық байланыс бөлімшесі ғи­­ма­раттары бой көтерді. Өткен жы­­лы Оралда­ғы теміржол вокзалы жанында­ғы іріктеу және тасымалдау учаскесі ғимаратына кірме жол салынды. Соңғы бес жылда 56 бірлік «УАЗ», «ВАЗ», «ГАЗель», «Тойота», «SANG YONG», «DAMAS» және жүк тартқыштар, автотиегіштер, тиегіш трактор техникасы сатып алынды. Іріктеу және тасымалдау учаскесі ғимаратына, 12 аудандық пошта тораптарына, Жалпақтал атырап­тық байланыс бөлімшесіне күрде­лі жөндеу жұмыстары жүр­гізілді. Заманға сай талаптар үдесінен шығу үшін барлық пош­та бө­лім­шелері жиһазбен, элек­трон­дық аппараттармен, ком­пьютермен, пошта-кассалық аппаратпен жаб­дықталған. Қыз­мет көрсету аясы да кеңи түсті. «Қазпошта» жүйесі арқылы электрондық сауда мүм­кіндіктерін дамыту жобасы іске асуда.

«Қазпоштаның» бүгінгі стратегиясы - көрсетілетін қызмет түр­лерін кеңейту және олардың сапаларына қол жеткізу. 2007 жылғы желтоқсан айында «Қаз­пошта» АҚ-ға ИСО 9001:2000 ха­лық­аралық стандарттар талап­тарына сәйкестігі жөнінде ха­лық­аралық сапа сертификаты бе­ріл­ді. Мұның өзі компанияның бас­қа­ру жүйесінің халықаралық стан­дарттарға сай келетіндігін көрсетеді.

Поштаның қалыптасу жылдарында қоғамға сіңірген қызметтері үшін «Қазпошта» АҚ-ның 20 қыз­меткері «Құрметті байланыс­шы» атағына ие болды. 2012 жылы Жа­­ңақала аудандық пошта байланыс торабының басшысы Нұрлан Мақатов «Ерен еңбегі үшін» меда­лімен, 326 қызметкер ал­ғыс ­хат­тармен, құрмет грамоталары­мен марапатталды.

Филиал қызметкерлері Алма­тыдағы, Астанадағы тренинг ор­та­лық­тарда кәсіптік шың­да­лу­дан өтеді, оқиды. Әр пошта қыз­мет­керіне өз бетінше білім-бі­лік­тілі­гін жетілдіру міндеті жүк­тел­ген. Қазақстан ха­лықтары тілдері күні және пош­ташылардың кәсіби ме­ре­кесіне орай «Үздік пошташы» кон­­курсы тұрақты өткізіледі. Пошта саласында ұрпақтар сабақтастығы жал­ғасуда. Жастарға тәлімгерлік ету дәстүрі қалыптасқан ұжымның негізгі құрамын 5 және одан көп жылдар жұмыс істеп келе жатқан жандар құрайды.

«Қорыта айтсақ, «Қазпошта» және оның облыстағы филиалы заман ағымынан қалмай алға қарай сенімді қадам басып келеді», деді Б.Қанешев.