Премьер-министр Алматы облысындағы индустриалдық аймақтардың құрылысымен танысты

ТАЛДЫҚОРҒАН. ҚазАқпарат - Премьер-министр Кәрім Мәсімов Алматы облысындағы индустриалдық аймақтардың салыну барысымен танысты.

Қол жеткізілген нәтижелер мен құрылыс бойынша бұдан кейінгі жоспарлар туралы К.Мәсімовке нысандар басында облыс әкімінің орынбасары Серік Тұрдәлиев баяндады.

Атап айтқанда, әкімнің орынбасары Үкімет басшысын «Талдықорған» ИА аумағындағы инфрақұрылым нысандарының құрылысы туралы ақпараттандырды. Мұндағы құрылыс жергілікті және республикалық бюджет есебінен жүргізіліп жатыр.