Президент кубогы: Қазақстан құрамасы «Барыстан» басым түсті

Алғашқы турда қазақстандық хоккейшілер Ресейдің «Лада» (Тольятти) командасына есе жіберген еді. Сондықтан бүгінгі кездесуде олар жеңіске жету жолын іздеді.

Ал бірінші ойынында «Барыс» Ресейдің «Амур» (Хабаровск) клубын 2:1 есебімен тізе бүктірді.  

Ойын барысында алғашқы минуттан еліміздің олимпиадалық құрамасының белсенділігі байқалып тұрды. Нәтижесінде олардың қатарынан 6-минутта Эдуард Михайлов есеп ашса, 20-минутта Кирилл Панюков басымдықты арттырды.

Ал Әлихан Әсетов 38-минутта мергендік танытса, 46-минутта Руслан Оспанов 46, Роман Старченко 57-минутта көздеген нысанадан мүлт кеткен жоқ.

Осылайша Қазақстан олимпиадалық құрамасы «Барыстан» 5:0 есебімен басым түсті. 

Енді 17 тамызда Қазақстан құрамасы мен «Амур». «Барыс» - «Лада» ойнаса, 18 тамызда 3-орын үшін ойын мен финал өтеді.

Қазақстандық хоккейшілер финалдық олимпиадалық іріктеу ойындарында Словакияның Братислава қаласында 29 тамыз-1 қыркүйек аралығында Австрия, Венгрия және Словакия құрамаларымен ойнайды.

Шайбалы хоккейден Қазақстан олимпиадалық құрамасын ҚР Президенті кубогына Олег Болякин дайындады. Оған Георгий Верещагин, Талғат Жайлауов, Павел Бессонов көмекшілік жасады.