Президент Оман Сұлтандығын Ұлттық күнімен құттықтады

АСТАНА. KAZINFORM — Қасым-Жомарт Тоқаев Хайсам бен Тариқ Әл Саидті Сұлтандықтың Ұлттық күнімен құттықтады. Бұл туралы Ақорда мәлім етті.

Президент Оман Сұлтандығын Ұлттық күнімен құттықтады
Фото: Ақорда

Қазақстан Президенті Оман Сұлтанының жуырда елімізге жасаған тарихи сапарын ықыласпен еске алып, оның нәтижелері екіжақты стратегиялық серіктестікті одан әрі нығайтуға септігін тигізетінін атап өтті.

— Мемлекет басшысы Қасым-Жомарт Тоқаев Хайсам бен Тариқ Әл Саидтің жауапты саяси қызметіне табыс, ал бауырлас Оман халқына құт-береке тіледі, — делінген Ақорданың хабарламасында.

Еске сала кетейік, 6 қазанда Оман Сұлтаны Хайсам бен Тариқ Әл Саид Қазақстанға мемлекеттік сапармен келген болатын.