01:37, 23 Қыркүйек 2025 | GMT +5
Президент Сitigroup компаниясының бас атқарушы директоры Джейн Фрейзерді қабылдады
НЬЮ-ЙОРК. KAZINFORM — Кездесуде еліміздегі ауқымды жобаларды қаржыландыру мәселелері талқыланды. Бұл туралы Ақорданың баспасөз қызметі хабарлады.
— Джейн Фрейзер Қазақстанмен арадағы серіктестікті банктер тобы қызметіндегі ең маңызды бағыттардың бірі ретінде қарастыратынын жеткізді, — делінген хабарламада.
Бұған дейін Қасым-Жомарт Тоқаев Embraer компаниясының президенті Франсиско Гомес Нетомен кездесті. Франсиско Гомес Нето Қазақстанның көлік-транзиттік әлеуетіне жоғары баға беріп, өзара тиімді ынтымақтастықты жалғастыруға дайын екенін растады.
Сонымен қатар Президент ExxonMobil корпорациясының басшыларын қабылдады. Мемлекет басшысы Даррен Вудспен Теңіз бен Қашағанның болашағын талқылады.
