Президент Тоқаев Ақмола облысындағы аграрлық көрмені аралады
АСТАНА. KAZINFORM — Қасым-Жомарт Тоқаев Ақмола облысында шығарылатын ауыл шаруашылығы өнімдерінің көрмесін аралап көрді, деп хабарлайды Ақорданың баспасөз қызметі.
Мұнда жартылай фабрикаттар, консервілер, ет, сүт және нан өнімдері қойылған.
Айта кетейік, Мемлекет басшысы Ақмола облысына жұмыс сапарымен барды.
Президентке биыл өңірдегі егіс алқабының көлемі 300 мың гектарға ұлғайып, 5,5 миллион гектарға жеткені баяндалды.
Тоқаев Ақмола облысындағы ауыл шаруашылығы кәсіпорындарының жетекшілерімен саланың жай-күйі, шаруалардың жетістіктері, сондай-ақ қордаланған мәселелері жөнінде әңгімелесті.
Елімізде ауыл шаруашылығы еңбеккерлерінің екінші форумы өтетіні хабарланды.
