Президент: Түркістан облысында баспанасыз қалған тұрғындарға арнап 1000-нан астам үй салынады

НҰР-СҰЛТАН. ҚазАқпарат - Түркістан облысында су басу салдарынан баспанасыз қалған тұрғындарға арнап 1000-нан астам үй салынады. Бұл туралы ҚР Президенті Қасым-Жомарт ТоқаевTwitter-дегі парақшасында хабарлады.

«Үкімет Өзбекстандағы су қоймасы апатының салдарынан баспанасынан айырылған Түркістан облысының азаматтары үшін мыңнан астам тұрғын үй салуға кіріседі» деп жазды Мемлекет басшысы.