Президент Ұлттық шұғыл медицинаны үйлестіру орталығына барды
![Қазақстан Президенті Ақорда](/static/img/plug.webp)
АСТАНА. KAZINFORM – Мемлекет басшысы медициналық авиация және жедел жәрдем қызметтерінің, науқастарды қабылдау бөлмелерінің жұмысын үйлестіретін орталықтың қызметімен танысты. Кешенде 250 орындық стационар бар, деп хабарлайды Ақорданың баспасөз қызметі.
![Қазақстан Президенті Президент](https://img.inform.kz/kazinform-photobank/media/2024-06-05/49fa27a1-d538-4b5e-a713-77278f388bb9.jpeg)
Ұлттық шұғыл медицинаны үйлестіру орталығының басқарма төрағасы Тимур Мұратовтың айтуынша, мекемеде 29 бағыт бойынша емдеу ісін жүргізетін 9 клиникалық департамент құрылады. Мұнда жылына 18 мыңнан астам науқас емделе алады.
Президент заманауи құралдармен, соның ішінде мобильді компьютерлік томограф және OR-1 жүйесімен жабдықталған операция залдарын аралап көрді.
![Қазақстан Президенті Президент](https://img.inform.kz/kazinform-photobank/media/2024-06-05/bb17519a-e3da-416b-b49a-06c6d034c24f.jpeg)
Мемлекет басшысы орталықтың қызметкерлерімен әңгімелесу барысында мұндай бірегей нысанның іске қосылуын отандық медицинаның зор жетістігі деп бағалады. Сонымен қатар мекемеге білікті мамандарды көптеп тарту қажет екеніне назар аударды.
Қасым-Жомарт Тоқаев ұжымның жұмысына табыс тілеп, орталыққа реанимобиль сыйлады.
![Қасым-Жомарт Тоқаев Қазақстан Президенті](https://img.inform.kz/kazinform-photobank/media/2024-06-05/6b43c69d-bd99-460f-b478-ba079fa97f6c.jpeg)
Осыған дейін Мемлекет басшысы Ұлттық ғылыми онкология орталығының жаңа корпусын аралап көрді.
![Қазақстан Президенті Президент](https://img.inform.kz/kazinform-photobank/media/2024-06-05/711f5827-b971-40b6-8d2f-cc18dd31b082.jpeg)