Президент жаңа жылды қалай қарсы алады

АСТАНА. KAZINFORM — ҚР Президентінің кеңесшісі – Баспасөз хатшысы Берік Уәли Мемлекет басшысы жаңа жылды қалай қарсы алатынын айтып берді. 

– Мемлекет басшысы Жаңа жылды еліміздің миллиондаған азаматтары секілді өз шаңырағында, туыстарымен бірге мерекелік дастарқан басында қарсы алады. Президенттің Жаңа жылда шетелге шығу немесе демалу туралы жоспары жоқ. Қасым-Жомарт Кемелұлының демалысқа уақыты тапшы деуге болады. Президент мереке күндері де жұмыс істейді, құжаттар қарайды, - деді Берік Уәли. 

Еске сала кетейік, Президенттің Жаңа жылмен құттықтауын Jibek Joly эфирінен көруге болады.