12:18, 06 Желтоқсан 2024 | GMT +5
Президентке хат жазған жас талант алғыс хат алды
ҚОНАЕВ.KAZINFORM - Алматы облысы Талғар ауданының 16 жастағы тұрғыны, республикалық байқауларда топ жарып жүрген талант иесі Жомарт Оспаналы Мемлекет басшысы Қасым-Жомарт Тоқаевқа хат жазып, назарына ілікті. Бұл туралы Алматы облысының әкімдігі хабарлады.

Президент тапсырмасымен Алматы облысының әкімі Марат Сұлтанғазиев жас жігітпен арнайы кездесіп, оған Мемлекет басшысының атынан құнды сыйлықтар табыстап, ізгі тілектер айтты. Әкім жас таланттың болашағынан зор үміт күтетінін айтып, оның өнері ел мәдениетінің дамуына үлес қосатынына сенім білдірді.
Еске салайық, бұған дейін Президент Телерадиокешені соғыс ардагері Жақан Сейсебаевқа құрмет көрсеткенін жазғанбыз.