04:00, 25 Қыркүйек 2025 | GMT +5
«Рагас» тайфуны: Қытайда 1,89 млн адам қауіпсіз жерге көшірілді
АСТАНА. KAZINFORM — Қытайдың оңтүстігіндегі табиғи апатқа байланысты 1,89 миллионнан астам адам қауіпсіз жерге көшірілді. Бұл туралы Синьхуа агенттігі жазды.
«Рагас» тайфуны Қытайдың оңтүстігіндегі Гуандун провинциясына келіп жетті.
Сұрапыл дауыл секундына 40 метр болатын жылдамдықпен провинцияның Янцзян қаласындағы Хайлин аралына соқты.
Бүгінде провинция бойынша 1,89 миллионнан астам тұрғын қауіпсіз жерлерге көшірілді.
Синоптиктердің болжауынша, Рагас батысқа қарай шамамен 20 км/сағ жылдамдықпен жылжып, біртіндеп әлсірейді.
«Рагас» тайфуны Филиппин мен Тайваньда 10-нан астам адамның өмірін қиды.
