Раиса Соколенко халықаралық аренада алтын медаль иеленді
АСТАНА. KAZINFORM – Қазақстандық шабандоз Раиса Соколенко (Prestige Horse Club) Maxima Masters Eurasia Кіші кубогының конкур бойынша финалдық кезеңінде алтын медальға қол жеткізді.
Uran nad Wigrami тұлпарына мінген спортшы биіктігі 135 см болатын маршрутты мінсіз әрі қарқынды еңсеріп, Ресей, Өзбекстан, Беларусь және Қырғызстаннан келген 24 қарсыласын артта қалдырды.
Шешуші сәтте Соколенко көш бастап келе жатқан спортшыдан 0,31 секундқа озып, Қазақстанға халықаралық аренада жарқын жеңіс сыйлады.
Раиса Соколенко сегіз жасынан бастап ат спортымен айналысып келеді.
Бүгінде ол Қазақстанның көк туы астында, Prestige Horse Club құрамында өнер көрсетіп, ұлттық ат спортының дамуына елеулі үлес қосып жүр.
Бұған дейін қазақстандық шабандоздар халықаралық додаларда жүлде алғанын жариялағанбыз.
