Рамазан айы: Өңірлер бойынша ораза кестесі

АСТАНА. ҚазАқпарат – Ертең, 23 наурызда Рамазан айы басталады. Осы орайда, ҚазАқпарат Қазақстан мұсылмандары діни басқармасы таратқан ораза және намаз кестесін ұсынады.

Биыл Рамазан айы 23 наурызда басталады. Ал, сәуір айының 17-нен 18-іне қараған түн – қасиетті Қадір түні. 21 сәуір – ораза айт мерекесі.

Биылғы пітір садақасы жан басына 535 теңге болып бекітілді. Пітір садақасы мөлшері еліміз бойынша екі келі ұнның ортақ бағасы негізінде белгіленді. Пітір садақасын құрма, мейіз бағасымен беруге болады.