Range Rover көлігі КамАзға соғылып, бір адам мерт болды

АЛМАТЫ. Қазақпарат - Талғар тас жолында Range Rover көлігі жол шетінде тұрған КамАзға бар жылдамдықпен соғылды, деп хабарлайды Қазақпарат тілшісі.

Жол апаты Думан шағын ауданы тұсында болған. Соққыдан  Range Rover көлігінің 29 жастағы жолаушысы сол жерде көз  жұмды. Ал жүргізуші аса ауыр жарақатпен ауруханаға  жеткізілді.


 

Көлікте өрттің шығу қаупіне  байланысты оқиға орнына өрт сөндірушілер шақырылды.
 

Жол апатының себептерін полиция анықтап жатыр.