Референдум-2026. Шетелдегі қазақстандықтардың белсенділігі жоғары
АСТАНА. KAZINFORM – Әлемнің референдум учаскелері белсенді жұмыс істеп жатыр. Бұл туралы СІМ баспасөз қызметі хабарлады.
Қазақстандықтар Еуропа елдерінде, оның ішінде Болгария, Грекия, Латвия, Литва, Румыния, Финляндия, Эстония, Аустрия, Бельгия, Германия, Испания, Италия, Мажарстан, Нидерланд, Норвегия, Польша, Словакия, Франция, Хорватия, Чехия, Молдова, Швейцария, Швеция, Ұлыбритания және Португалияда референдум учаскелерінде дауыс беруді жалғастырып жатыр.
Сонымен қатар Кипр Республикасы аумағында жүрген Қазақстан Республикасының азаматтарының референдумға қатысуын ұйымдастыру мақсатында Қазақстанның елшілігі жанынан Қазақстан Республикасы референдумының №511 учаскесі тарихта алғаш рет ашылды.
Парижде орналасқан №410 референдум учаскесі жергілікті уақытпен таңғы сағат 7:00-де өз жұмысын бастады. Франция аумағындағы жалғыз учаскесі Қазақстан республикасының Консулдығында, Елисей алаңының қасында орналасқан.
Референдумда алғашқы болып дауыс беруге осында білім алып жүрген магистранттар келді. Жалпы 200-ден астам адам тіркелген. Дауыс беру жергілікті уақыт бойынша сағат 20:00-ге дейін, яғни Астана уақытымен түнгі 00:00-ге дейін жалғасады.
Мәскеудегі учаскеде белсенділігі жоғары.
Айта кетелік әлемнің 40-тан астам елінде референдум учаскелері жұмыс істеп жатыр.
