Ресей мен АҚШ келіссөзі 24 наурызда Эр-Риядта өтеді

АСТАНА. KAZINFORM — Ресей делегациясы Сауд Арабиясының астанасына Ресей-АҚШ сараптамалық топтарының жоспарланған консультацияларына қатысу үшін келді, деп хабарлайды ТАСС.

ТАСС ақпаратына сәйкес кездесу 24 наурыз күні таңертең басталады.

— Ресей делегациясы Эр-Риядқа келді, келіссөздер ертең таңертең басталады, — деді Федерация кеңесі Халықаралық істер комитетінің басшысы, делегацияға қатысушылардың бірі Григорий Карасин ТАСС ақпарат агенттігіне.

Еске салсақ, бұған дейін Украинаның Қорғаныс министрі Рүстем Умеров Х әлеуметтік желісінде Сауд Арабиясында АҚШ-тың делегациясымен келіссөздер басталғанын мәлім етті.