Ресей мен АҚШ Сириядағы жағдайға байланысты БҰҰ Қауіпсіздік Кеңесінің шұғыл консультациясын сұрады

АСТАНА. KAZINFORM — Ресей мен АҚШ Батыс Сирия тұрғындарына қатысты зорлық-зомбылыққа байланысты БҰҰ Қауіпсіздік Кеңесінің жабық консультациясын сұрады, деп хабарлады Ресейдің БҰҰ-дағы Тұрақты өкілінің бірінші орынбасары Дмитрий Полянский, деп жазады Kazinform.

— Ресей мен АҚШ БҰҰ Қауіпсіздік Кеңесінің шұғыл жабық консультациясын Батыс Сириядағы бейбіт тұрғындарға қатысты зорлық-зомбылыққа байланысты сұрады, — деп жазды Ресейдің БҰҰ-дағы Тұрақты өкілінің бірінші орынбасары Дмитрий Полянский өзінің Telegram-арнасында.

Сондай-ақ, ол бұл консультацияларды Данияның Кеңес төрағалығы 10 наурызда Нью-Йорк уақытымен 10:00–де (Астана уақытымен 20:00) өткізеді деп күтетінін атап өтті.

Бұған дейін Сирия қауіпсіздік күштері жүздеген бейбіт тұрғынды өлтірді деп айыпталған болатын.

Қарулы топтардың мүшелерін қоса есептегендегі жалпы құрбандар саны мыңға жуық деп бағаланып отыр.